قصه حياه واحد صحبي

بسم الله الرحمن الرحيم
انا مين ؟ انا فين ؟ انا ايه ؟
انا لغز كبير انا مش عارف اوصله
انا فزوره صعبه مش عارف احلها
انا كنت مرتاح البال كنت طموح كنت مؤدب كنت باصلي يمكن مكنتش مؤمن قوي بس كان عندي شويه ايمان
كنت عايش الحياه ببساطه كنت بالعب واجري واكل واشرب ومش بافكر في حاجه كان كل اللي شاغلني البنات
او الكوره او النت او البلاي ستيشن اينعم هما حاجات تافهه والحياه مكنش فيها مسئولية بس كانت حلوه
ياريتني كنت فضلت كده


وبعد مرور فتره من الزمن بقيت انا


مش مرتاح البال مش عاوز ابص للمستقبل مش عارف اتفائل حاسس ان انا زي اي حاجه بتتحرك علي الارض
اوقات كتيره باحس اني ماليش لازمه واوقات اقول هو انا كنت غبي وانا باقول انا عاوز ابقي رئيس جمهوريه
واضحك واقول يا سلام لو الاقي شغله بعشرين جنيه في اليوم وارجع اقول لنفسي هيعملو ايه العشرين جنيه
والاقي نفسي متشائم والدنيا اسودت في عيني ويبدا دماغي يوجعني من كتر التفكير وافضل افكر افكر وانا نايم
بافكر وانا باكل بافكر وانا باشرب بفكر وانا بالعب بفكر وانا بذاكر بفكر لما بقيت من كتر التفكير مش عارف
اي حاجه حتي الصلاه بقيت بافكر وانا باصلي واتوه في الصلاه بس دلوقتي مش باصلي خالص حتي الجمعه
لو بقيت صاحي باصليها وده نادرا جدا واغلب الوقت باكون نايم

نفسي اعمل حاجه واساعد اسرتي واساعد اصحابي واحاول اسعد نفسي بس انا عارف ان عمري نفسي ما هتبقي
سعيده حاسس اني عندي مية سنه وقاعد لا بهش ولا بنش مستني الفرصه فرصه اصل انا ماشي بمبدأ الحياه فرص
بس والله خايف تيجي الفرصه وما اعملش حاجه برده
بس رغم كل ده حاسس اني هاكون انسان كويس وذو قيمه في المجتمع يمكن انا شايف كده علشان ايام زمان
كنت طموح بس اللي انا متأكد منه ان دا مش تفاؤل

دي فتره من حياتي فتره من وانا طفل لاولي كليه
وان شاء الله موعدنا مع الجزء التاني من الفتره من اولي كليه لغايه دلوقتي
وربنا يستر
ياريت كل واحد يفكر في حل للحياتنا اللي كتير من اللي زيي اتخنقو منها
ونشوف حلول يمكن ربنا يهدينا ونعيش زي بقيت الخلق

.........heroOo.........

شكرا لمروركم
ردود جميله